没错就是自《招魂2》之后今年最火爆口碑最好嘅一出电影号称美国二十年来最强恐怖片《屏住呼吸》 烂番茄新鲜度90%，900万成本赚佐8000万票房，严格意义上唔算恐怖片，电影甚至无鬼，但係都可以吓死人。当时係北美公映完，观众同评论风向都直指係年度最佳恐怖片。琴晚凌晨，外面台风“海马”吹得正起小编係屋企一个人睇完呢出电影先唔讲其他全程无尿点，睇到手心出汗......请注意前方高亮含大量剧透 故事发生係底特律，主角係三个不良少年，平时经常非法闯入有钱人屋企偷嘢，但係一次都无俾人发现。佢地都唔想日日做呢啲小偷小摸嘅事，终于有日佢地决定要执翻单大嘢，从此收手远走他方。然而呢次目标係一个独居退役老兵，悲剧正式开始... 电影一开始，一个老人拖住一个女仔一步一步向前行，血染马路。 前面係伏笔，故事正式开始。三个主角出场，左边係男主Alex，中间女主Rocky，右边係女主男友Money。 一开始就係小偷三人入屋偷嘢，女主专偷衫裤鞋首饰。 Money係人地屋企屙尿搞破坏，但係佢地都唔会偷现金。 好快咁搞掂一单就走人了，女主表示想离开底特律去加州，暗恋女主嘅Alex因为爸爸原因走唔到，独自伤心。 原来Alex爸爸係保安财阀住宅嘅安保。 每次作案偷嘢，Alex都会去爸爸办公司偷目标住宅嘅锁匙，所以每次作案都轻而易举。 有一次，Money得知有一栋楼报警装置係Alex爸爸公司装嘅，而且房主係一个独居退伍老人。 老人有个女，不过早年比个富家女错手开车碾死佐，为佐逃避法律责任，赔偿佐一大笔钱俾老人，老人将笔钱收埋係屋企。 女主有个妹妹，想去海边，想成为冲浪运动员，但係都做唔到。 为佐带妹妹逃离呢个阿妈日日带男人翻嚟鬼混，无钱无人照料嘅屋企，决定去偷退伍老人屋企嘅现金。 一开始Alex坚决唔同意去偷现金。但係后来女主发短信劝掂佐Alex，爱情嘅力量... 行动正式开始，佢地以为老人独居，附近四条街都无人住，小菜一碟...根本唔知道死神即将降临。 唔讲笑，小编俾呢只狗吓到差啲掟佐部手机出去... 老人第一次登场，等等，原来係嘅盲人。 Alex表示偷一个盲人会唔会太唔道德，但係Money道出佐真理，每个人都唔係圣人。 等到晚上，正式行动，Alex得一条锁匙，无捻到老人屋企竟然上佐四道锁，只可以爬天窗进入，开门俾另外两个。 一入到屋，三人首先除鞋，因为盲人嘅听觉特别敏锐。呢个时候影屋内环境嘅镜头同视角真係好恐怖诡异，墙上挂满各种钝器利器... Money首先进入老人睡房，老人开住电视训教，Money准备用烟雾迷药迷魂老人。 无捻到老人特然坐佐起身！Money吓到唔敢呼吸，但係因为老人失明，见无动静又训翻低。 Money以为老人已经被迷魂，竟然开枪打烂房门嘅锁...猪队友之一，做贼又你咁明目张胆嘅咩... Alex认为先开枪就俾佐老人合法向自己开枪嘅权利（唯一智商在线嘅人），决定带女主走，但係女主开始作了...唔肯走 呢个时候！老人行佐出嚟！ Money仲想解释，越讲越乱，开始威胁老人话要杀佐佢！ 老人一啲都唔惊，步步迫近！军人果然係唔同，听准时间一手抓住把枪控制佐Money！ 老兵问Money一共有几个人，Money望佐一下係隔离唔敢出声嘅女主，话得自己一个，求老人放佢走。 女主望佐下地上有个武器，纠结紧要唔要帮拖，但係都係无行动...男朋友就係隔离俾个盲人捉住都无动于衷... 然而，边个都估唔到嘅係，老人一枪秒佐Money...好狠！（呢场场戏唯一比较光嘅画面...） 已经准备一个人走嘅Alex听到枪声，因为担心即刻翻入屋。 Alex入嚟搵到女主，捻住带佢走！点知女主唔肯走住，因为佢见到老人收埋钱嘅地方同夹万嘅密码，话要摞晒啲钱先走。你男朋友都死佐啦，仲挂住钱... 因为闻到味道，老人发现门口有女主对靴...唔通係女主角有脚气...电影教育大家要注意个人卫生，死佐都无得濑... 终于老人发现屋入面仲有其他人，就係呢间阴暗恐怖嘅大屋入面，男主、女主、老人开始佐三个人之间嘅生死角逐。以上就係电影前四十分钟嘅内容后面仲有好多意想不到嘅情节可以讲嘅係最后生还者只有老人同女主睇晒成部电影，讲述嘅係弱者同弱者之间嘅悲剧。剧中嘅每个角色，包括嗰只狗，睇起身都唔係咩好人，但係又係实实在在嘅处于弱势。 从细被亲生阿妈锁係后车厢靠甲壳虫带嚟安全感嘅女主；战争受伤失明，个女又遭遇车祸嘅孤寡老人；有权有势逃避法律制裁，却惨遭“代孕”嘅富家女；家境小康乖乖学生却迷失係爱情同贪恋嘅Alex；被黑帮欺压强行收数嘅Money。故事嘅背景定係底特律都係有含义，曾经鼎盛嘅汽车之城，如今却陷入失业、犯罪、毒品...几个生活係呢个城市嘅人走上不归路。 最后幸存嘅老人同女主，达成佐一种沉默恐怖嘅妥协。电影入面老人嘅一句台词，贴切咁形容佐社会低层嘅人嘅内心独白：「当一个人接受上帝不存在的事实后，他就没什么做不到」当人失去佐信仰失去佐希望失去佐亲人，佢真係咩都做得出。 但係讲佐咁多，绝对唔係为弱者洗白！小编完全接受唔到三个人只有女主幸存落嚟囖！史上最作女主有木有！哦，你穷就可以去偷嘢侵占人地嘅财产？明明有男朋友又要撩Alex，仲要拉埋人地落水去偷嘢！ 最作嘅就係，被监禁绑起身嘅时候同老人讲：「你咁做你个女都唔会翻嚟」，「你会因为你做嘅事而係监狱度过余生」，咁女主无本事赚钱仲唔认命，反而去偷人地钱就唔受到惩罚？ 依头对被监禁嘅富家女讲：「我唔理你做佐啲咩我都要带你出去」，嗰头两个朋友条尸仲係屋入面，竟然执佐袋钱就搏命跑！真係心痛唯一智商在线嘅Alex，撞破玻璃中枪仲要去救女主...小编就讲到呢度到其他留俾大家感悟《屏住呼吸》唔单止係一部惊悚恐怖片更係一部剖析人性嘅电影 加小编微信号：gzzy0803有高清中字资源噢正嘢有着数↓↓↓（点击图片进入）